البداية مع التفتيش
ليش مريولك موديله كأنه فستان عرس ؟ معلمة هذا ستايلي ..
ليش حاطة عدسات زرق ؟ معلمة عيوني هذي .. امي اوروبية .
ليش كل هذا الكحل ؟ معلمة عيوني كحلية طبيعيا .. . :
ليش المناكير ؟ معلمة هذي حنة سودانيه مو مناكير . :
ليش ما ترددين تحية العلم ؟ معلمة بلعومي يعورني .>> ههههه ومن الجهة الثانية صوتها ويا سوالفها واصل لآخر صف ..
ليش تسولفين بدل ما تستفيدي من الإذاعة ؟ معلمة مو انا بس كل الصف ..بعدين الإذاعة مكررة
ليش كل هذا المكياج ؟ معلمة امس كان عرس ولد عمي للفجر .ومالقيت وقت عشان أشيله ....!!
طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.
نمر للبنات اللي مبققات عيونهم على المعلمات !! ..
وين معلمة سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام
وين معلمة"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...
وين معلمة الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم
شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .<<< معقوله
تدرين مع من سولفت أمس بالشات ؟ مع لبناني وحاط صورته يمة يذوب ... شعر اشقر و عيون خضرا .
و نخلص بالبنات اللي اختصاصهم الحش :
شفت فلانة امس فاتحة شعرها كنه خرطوم حريقه.
ولا علانة اللي كانت عايشة في ماليزيا اليوم ياية بقميص صوف والحراره 40 درجة غبية وحدة . << مايسوى على البنت
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفون السبورة .. والله ينرحمون .
و في النهاية تجي معلمة و تقول مافي قلم : وين انتوا في سوق سمك ؟ ويقومون البنات ويضحكون على اي شئ
الأحد يوليو 29, 2012 8:53 pm من طرف 
اليومية
